Бас л бүтэлгүй дурлалын тухай өгүүлэх гэж байна. (Сэтгэл зүрхний асуудлаа мөн ч харамгүй дэлгэж байна даа. Болж байгаа ч юмуу гүй ч юмуу. Гэхдээ яахав дээ. Угаасаа миний блогоор хүн ордоггүй ганц уншигч нь би өөрөө юм чинь блогтоо шалдан гүйсэн ч асуудал байхгүй л дээ. хэхэ)
Би уг нь ажил хэрэгч, амбицтай, өөртөө итгэлтэй, эелдэг даруу зантай, хамгийн гол маш хөөрхөн охинд дуртай. Тийм охидод хайртай. Лав л 2 удаагийн бүтэлгүй дурлал минь 2уулаа тийм хүмүүс байсан даг. Магадгүй би төгс төгөлдөр хүнийг хайгаад байдаг байж болох юм. Баргийн хүнийг сонирхохгүй. Тиймдээ ч өдий болтол ганцаараа яваа байлгүй. Гэхдээ гомдоллоод байх юм алга. Хэзээ нэгэн цагт хэн нэгэн төгс бүсгүйг олно гэдэгтээ итгэлтэй байна. Энэ яахав тусдаа асуудал...
Гэтэл нэгэн онцгой тохиолдол гараад байна л даа. Дурлаж байсан бүсгүйчүүдтэй минь харьцуулах юм бол царай муутай, тэдэн шиг ажил хэрэгч бус, амбиц багатай, хэт чөлөөт имэж (хэв маяг) –тай бүдүүлэг үг хэрэглэдэг, надтай хөөрхөн харьцдаггүй, бусадтай болохоор сайхан харьцаад байдаг, өөр хүн тэвэрч болдог, би болдоггүй, тийм нэг бүсгүй таалагдаад удаж байна өө. Түүнийхээ инээхийг харах гэж ямар их хүснэ гээч. Уулзахаараа ихэвчлэн муудалцана. Гэхдээ сүртэй юм болохгүй л дээ. Жирийн л тоглоомон хэрүүл. Ихэвчлэн надаас болдог юм.Хамт байхад ямар сайхан гээч... Би нэг л жаргалтай болчихдог. Бүх зүйлд санаа амарч тайтгараад зүрхний хаанаа ч юм үргэлж шаналган зовоож байдаг ганцаардал үгүй болчихно. Тэгээд зөвхөн хийх ёстой зүйлсдээ анхаарлаа хандуулдаг ч юмуу, эсвэл зүгээр л юу ч хиймээргүй санагдаад ангайгаад суучихдаг. Түүнтэй хамт байхад цаг хүртэл хурдан өнгөрнө. Гэртээ хариад бага дүүгээ тэврэхэд л нэг тийм мэдрэмж төрдөгсөн.
За энэ ч яахав, чухал биш л дээ. Яагаад ийм юм болоод байгааг л ойлгохгүй байна. Онолын хувьд бол тэр надад тохирохгүй бүсгүй. Томъё ёсоор бол таалагдах ч ёсгүй. Гэтэл ийм нэг онцгой тохиолдол гарчихаад байх юм... Яая дөө байз...
Яах юу байхав дээ. Томъё ёсоороо л амьдаръя. Онцгой тохиолдлыг алдаа гээд тооцохгүй орхиё. Иймээс уран зохиол сонирхдог ойлгодог, ажил хэрэгч, амбицтай, хамгийн гол нь маш хөөрхөн тийм бүсгүйг хайж олох болно. Ерөнхийдөө бол иймрхүү бүсгүйчүүд ихэвчлн урлагынхан, эсвэл сэтгүүлчид байдаг. Тиймээс миний хайрыг булаах бүсгүй маань сэтгүүлч юмуу эсвэл жүжигчин л байж таарах болов уу даа.
4 comments:
Bobo, bi unshigch shdee. Shaldan guigeed bvl sanaa zovood orj irehee bolichij magadgui l bh, kkk...
Chamaig yum bichihee bolichij gj bodoj bsn chin suuliin sard ovoo heden yum bichchihsen bn. Soniroltoi bn. Btw, yostoi ter TV-g chin DAMN... Chotgor avag.
Ontsgoi tohioldol hamgiin zov songolt baih ch ue baidag. Setgel zurhnii asuudliig tomyolj boldguigeeree aguu um. Humuus nasan turshdaa ontsgoi tohioldliig haih ue baihad harin chi ontsgoi tohioldloo oltson bdg aztaim. Ontsgoi tohioldliig ontsgoi baidlaar ooriin bolgoj avah heregtei baih...Es tegvees ontsgoi bish amidral urgeljleh biz...Chamaig jargaltai bolgoj chadaj bgaa bol chi ter hunees holdoh hereggui.Harin chi hen negniig az jargaltai bailgahiin toloo ooriin az jargaliig buu zolioslo. Hoorhon ohid bugd orool busdiig geheesee iluu oortoo l ih hairtai baidag umdaa.
Томъёо гэдэг тогтсон зүйл ч гэлээ түүнийг өргөжүүлж, өөрчилж, хувиргаж болдог шүү дээ. 1+1=2 байх ёстой ч бас тийм биш гэдгийг нь баталсан байдагтай л адилхан.
Наад онцгой тохиолдол надад ч бас тохиолдсон. Тэр хүний дотор огт өөр ертөнц, өөр хүн байгаа юм шиг мэдрэмж надад төрж байсан. Тэр дотоод хүнийг нь би олж харж, түүнд нь татагдаж байгаагаа мэдэрсэн. Тэр үед л би гадаад үзэмж чухал биш юм байна гэж бодож эхэлсэн дээ.
Хамгийн чухал нь хамт байхадаа ч, тусдаа байхад ч түүний тухай бодол, түүнтэй чатлах үг бүр, бичсэн захиа бүр нь чамд аз жаргал мэдрүүлж л байвал түүнийг алдах гэж яарсаны хэрэггүй шүү!!!
Яагаад бүгд онцгой тохиолдлыг миний ... гээд байгаа юм бол? Би ойлгохгүй байна. Тэр чинь онолтой харшилдаад байна шүү дээ...
Post a Comment