Чи бид хоёр

Бид бие биендээ...

Чи намайг сонирхдог гэдгийг би мэддэг боловч би чамайг сонирхдог гэдгээ нуухыг хичээдэг. 

Залхуурал бид хоёр

Залхуурал бид хоёр ёстой үзэж тарж байнаа. Залхууралд "Фэйсбүүк", "Юүтүб", "Блог", "бусад сайтууд", "ТВ", "нойр" гэсэн хэдэн үндсэн зэвсэг байна. Би "мессенжер"-ийг нь зодоод алчихсан. Тэр нь босч ирэхээсээ өнгөрсөн байх.

Ойрын ирээдүй

Ойрын ирээдүй

Ойрын үед хийх ажил улам л ихсээд байх бололтой юмаа. 

• Бизнес төсөл бичих. Жижиг дунд бизнесийн зээл авахаар найз маань бичүүлж байгаа юм. Үүнийг бичихийн тулд 2 өдөр хэрэгтэй. Гэхдээ тооцоонд хэрэглэгдэх судалгааг нь хийхийн тулд 2 өдөр хэрэгтэй. Хурданаар хийвэл 4 өдөр хэрэгтэй юм байна.

• Бизнес төсөл бичих. Найз маань удахгүй баяжих тул хоюул тогтвортой бизнесээ эхлэх болно. Иймд бизнесээ бэлд гэсэн. Төсөлд хэрэгтэй судалгаанууд нь бараг хийгдэж дууссан тул ганц нэгхэн тоо олоод тооцоо болон бичих ажилдаа шууд орно. Нийт гурван өдрөөр тооцоё.
• Мэдээллийн технологийн үр ашгийн тухай. Ийм нэгэн сэдэв бол ... мм..ммм.... миний судалгааны ажлын үндсэн сэдэв л дээ. Энэ талаар бичих ёстой хоёр ч ажил бий. Залхуураад л байгаа болохоос хэцүү ч юм бас биш. Тус бүрийг нь нэг өдөр гэвэл нийт 2 өдөр хэрэгтэй.

• Орчуулагч програм. Дарга маань хувиараа ийм нэгэн програмын захиалга өгсөн бөгөөд хийгээд дуусгачихвал намайг шагнана гэсэн. Алгоритм нь төсөөлөгдөөд байгаа тул гүйцэтгэлийн ажил л байгаа. Гэхдээ програм оролддог хүмүүс бүгд мэднэ. Яаж ч мундаг тооцоолсон алгоритм компайл хийх үед заавал алдаа заадаг гэж. Хурдан хийвэл 4-5 өдөр хэрэгтэй байх.
• Англи хэлний бэлтгэл. Тоефл өгөхөөр амбицалсаан. Гэхдээ тоефлийн сургалтанд суухаас өмнө мэддэг хэдэн дүрмээ баталгаажуулж дэвтэр харалгүй шууд санадаг болохын тулд шаргуу суусан бэлтгэл хэрэгтэй байна. Мэдээж дүрмээ дэвтэр харалгүй санадаг болж байж л тоефл өгөх тактикт суралцахгүй бол амжилт гарахгүй шүү дээ. Дүрэмийн мэдлэг маань харьцангуй шинээрээ байгаа тул амархан баталгаажих байх. Нөгөөтэйгүүр Жетийн тоефлийн ангийн элсэлт бусад күрстэйгээ зөрдөг нь боломж олгож байна. Гэхдээ энэ зөрүү нь 7 хоногоос хэтрэхгүй тул дүрмийн бэлтгэлийг 7 хоногоор тооцсугай.
• Баяжих програм. Програмист хүний гэнэт баяжих арга бол амжилт олох жижиг програм болой. Тийм нэгэн програмын санаа байгаа боловч технологи судлах гэж ажил байгаа тул үүнд нэлээд хугацаа хэрэгтэй. Гэхдээ яс суугаад үзвэл 7 хоногт болчих байх гэсэн цээж тооцоо байна. Худлаа ч байж болох юм.

• Жилийн тайлан. Жилийн эцэс болж буйтай холбоотойгоор жилийн тайлан гаргахад бэлтгэн баримтуудаа янзалж цэгцлэх, журналын бичилтээ эргэн харах, тайланд гарсан байж болзошгүй алдаа эндэгдлийг шалгах. Уул шугамандаа улирал бүрийн тайлан алдаагүй хийгдсэн байх ёстой боловч зарим нэгэн найдваргүй түншээс шалтгаалаад улирлын тайланд бага зэргийн зөрөө гарах юм байдаг аж. Үүнийг харин жилийн эцсийн тайлангаараа залруулж жин тан болгохгүй бол  ёстой “нүгэл” болно гэж зөвлөх нягтлан хэлсэн. Тэгээд ч ирэх жил манайд аудит орох учиртай. Энэ лав сарын ажил байгаа даа.

За юу юу болчихвоо. 4+3+2+5+7+7+30=58 үүнийг “маяа” маягийн тоолоор тооцож үзвэл 2012.12.14+58=2013.2.20-нд Батболдын ертөнц бүрэн аврагдаж дуусах хугацаа юм биз дээ. Тэр болтол сөнөлт үргэлжилсээр л байна.

 Дээрээс нь уншмаар ном, бичмээр өгүүлэг, зохиол зөндөө байгаа. Гэтэл замд нь цагаан сар, тоефлийн сургалт, тоефлийн бэлтгэл, шалгалт гээд зөндөө юм байна. Тэгэж байтал үйл ажиллагаа эхлээд ажил ихсэнэ. Ажилдаа дарагдаад үхчихжээ гэвэл битгий гайхаарай. 

Хэнхэглэл

АН төрд гараад олон зүйл өөрчлөгдөж байна өө. Дийлэнх нь хүмүүст таалагдаж байна. Зарим нь надад ч бас таалагдаж байна. Жишээ нь замын хөдөлгөөний ачааллыг бууруулсан арга болон нийтийн тээврийг хурдан явуулдаг болсон нь том дэвшил байлаа. Гэтэл үүнийг шүүмжлэх надаас ухаантай хүмүүс захаас аваад гараад л ирсэн. Гээд яах билээ энэ бол тухайн л хүний бодол бөгөөд шийдвэр гаргах эрх нь АН-д байгаа тул тэд л эцсийн шийдвэрийг гаргана. Харин шийдвэр гаргахдаа иргэдийнхээ санаа бодлыг сонсох уу сонсохгүй юу гэдэг тэдний асуудал. Энэ нь дараагийн сонгуульд тэдэн дүн болон оноологдоно гэдгээ эрх биш мэдэж байгаа байлгүй.

Кямрал

Ёстой яг жинхэн утгаараа хямарч байнаа сда гэж. Хоёр сар төлбөрөө төлөөгүй юм чинь утас яг удахгүй хаагдана. Гэрийн интернетийн гэрээ дуусч байгаа сунгах мөнгөгүй юм чинь 28 гээд гэртээ нэтгүй болно. Хоёр сар байрны мөнгө төлөөгүй юм чинь угаасаа удахгүй тог таслана. Тэгэхээр интернетээр ч угаасаа яахав дээ. Тэгэж байтал ус тасрахын байгаа биз. Гурил нам дууссан, будаа ч бас нам дууссан. Төмс 2 ш үлдсэн, лууван нижгээд бий. Мах бол харин байгаа байгаа, сайн аав ээжийн буянд. ккк. Эрх биш гурил будааханаа авчих байлгүй. Тэгсэн тоггүй ээ.

Төөрсөн өдрийн мэнд

Бурхан босгон тавьсан зүүн дээр будаа асгаж тоглоно. Түүн дээр нь нэг ширхэг будаа тогтвол тэнэж яваа сүнснүүдээс нэгийг нь хүн болгож төрүүлнэ. Яг логик нь бол зүгээр л төрлөө олох гэж тэнэж яваа сүнснүүд хорхой шавьж, адгуус мал бололгүй хүн болж төрөх магадлал нь бурхан тийнхүү будааг зүүний үзүүр дээр тогтоохтой адил маш бага гэж үздэг билээ.

Нэг өдөр

Өнөөдөр шиг гунигтай, уйтгартай, залхуутай өдөр ... олон байдаг юм дөө, хүний амьдралд.

Насан багадаа сурах минь яалаа...

Өнгрсөн долоо хоногоос Alyssa Bernal гэдэг америкид амьдран суудаг охины дууг сонсох дуртай болов оо хөөрхий. Анх Jason Mraz -ийн I'm yours дууны гитар коверийг хайснаас эхэлж энэ охины дууг сонсох дуртай боллоо. 2010 оноос мэргэжлийн студитэй хамтран ажиллаж жинхэнэ утгаараа дуучин болж яваа залуу дуучин юм байна. Сонирхсон хүн нь http://www.youtube.com/user/hchsknights08?feature=results_main энэ линк-ээр орж албан ёсны youtube channel-с нь дууг нь сонсож болно.

Баллуур

Зүрх цагаан

Үүрээр зүүдэлсэн зүүдээ үг болгон амьлуулъя.

Зүрх цагаан гинжнээсээ мултрах гэж цухалдан гангинана. Энд бүх юм өмнөхөөс өөр болжээ. Хэдэн жилийн өмнө тэдний халтар банхар төрж эцгийгээ дуурайсан олон шар гөлөг гарсанаас ганцхан нь эх шигээ хар зүстэй бусдаасаа жижиг биетэй цээжиндээ зүрх цагаан  үстэй байсан юм. Хавь ойрынхон нь булаацалдах шахан гөлөгнүүдийг нь авахад эзэн нь харамласаар байж энэ зүрх цагааныг бас үргэлж хамт байдаг хоёр шар гөлөгөө авч үлдсэн билээ.

Үхэл амьдралын заагт

Өчигдөр “ТВ коктэйл” хамтлагийн “Хоёр ертөнцийн буудал” драмын жүжгийг үзлээ. Үнэхээр таалагдсан. Гэхдээ би жүжгийн турш эмээгийнхээ тухай бодсон...

Дунд сургуулийн унших номын жагсаалттай танилцсан минь

Боловсролын яам дунд сургуулийн хүүхдүүдийн уншвал зохилтой номын жагсаалтыг гаргасан байна.. Бага анги /7-14 нас/	Би өөрийн уншсан хэмжээнд бодлоо хэлэв.
1.    Оюунтүлхүүр, Цаасан шувууны үлгэр	Унших нь зөв. Гэхдээ 14 нэлээд дөхөж байгаад...
2.    Монгол ардын үлгэрүүд	Зөв
3.    Ханс Кристиан Андерсений үлгэрүүд, Ах дүү Гриммийн үлгэрүүд	Зөв, бөгөөд сайхан
4.    Эзопын ёгт үлгэрүүд	Зөв бөгөөд сайхан
5.    Д.Гармаа "Хөгжөөнтэй туужууд"	Ёстой хөөрхөн зохиол байгаам даа.
6.    С.Надмид "Жаран дэгдээхэй" туужууд	Би нэг л санахгүй байна, уншаагүй байж булай болох вий дээ.
7.    Ж.Дашдондог "Чулуун домог", " Аав ээж би", "Хар шувууны цагаан домог"	Бас л санадаггүй, уншаагүй юм болов уу? Уншссан ч байж магадгүй.
8.    Х.Болор-Эрдэнэ "Хишигт" дурсамжит тууж	Яг энийг нь би санахгүй байна, Гэхдээ андуураагүй бол энэ нэлээд өвөрмөц бичлэгтэй сэтгүүлч бүсгүйн ном байх ёстой.
9.    Экзюпери Сент "Бяцхан хун тайж"	Уншсан байхөө, санахгүй байна
10. С.Лагерлеф "Галуу дагасан гайхамшигт аян", "Шидэт дэнлүү" /орч Б.Ренчин /	Энэ бол үнэхээр хөөрхөн, бас яг насанд нь тохирчихож.
11. Нацүмэ Соосэки "Муур-миний өчил"	Миний бодлоор үүнийг 14 хүрээгүй хүүхэд уншаад ойлгохгүй байхаа. Нэлээд шог, бас ёж бүтээл шд. Яг л Хекл Берн Финнагийн адал явдал шиг. Би л лав энийг жоохондоо уншаад юу ч ойлгоогүй юм даг. Сая сүүлд уншиж л ямар инээдтэй хөгжилтэй ном болохыг нь мэдсэн.
12. Сетон Томпсон "Чин зоригт адгуусан амьтдын үлгэр" /орч Б.Ренчин/	Энэ бол болж байна өө, бас насандаа яг таарч байна.
13. Родари Дж."Жельсомино худал хуурмагийн газар хөглөсөн нь" /орч Ш.Гаадамба/	Уншаагүй юм байжээ /Толгойгоо маажив.../
14. О.Уайльд "Аз жаргалтай хан хүү", "Одны хүү"	Уншаа байлгүй дээ, үлгэр ер нь алгасч байгаагүй.
15. Чехов А.П. "Хүүхдэд зориулсан өгүүллэгүүд"	За ёстой санадаггүй ээ..
16. Лу Синь "Акюгийн үнэн түүх"	Энэ бас л нас нь эртэтсэн юм шиг санагдаад байна. Жоохон томорч байгаад уншвал зүгээр байхаа.
17. Сургамжит өгүүллэг 1, 2, 3 ,4 /Эмпати төв /	Унших ёстой
18. О.Сундуй "Тэнгэрээс заяат төрсөн Тэмүүжин хүү"	Санахгүй байна аа
19.  Жеймс Олдриж "Гайхамшигт монгол морь"	Уншсан л санагдаад байна, бас л сайн санадаггүй.
20. "Дэлхийн хүүхдийн яруу найргийн дээж”, "Дэлхийн хүүхдийн хүүрнэл зохиолын дээж"	Яруу найраг нь нээх сонин санагдаад байдгын, хүүрнэл зохиол нь бол гоё өө.
Дунд анги, Ахлах анги, / 14-өөс дээш нас/
1.    "Монголын Нууц Товчоо" шинэ хөрвүүлэг Ж. Чоймаа	Шинэ хөрвүүлэг нь яадгийн мэдэхгүй, ямар ч байсан унших ёстой.
2.    Жангарын туульс, Гэсэр тууж	Унших нь зөв. Энэ чинь монголын уран зохиолын ноён оргилууд шүү дээ.
3.    "Эрт эдүгээ гайхамшигт үзэгдэл" 1, 2 цуврал	Уншаагүй л ном шиг байхын...
4.    Я. Ганбаатар "Хүннүгийн түүх соёл" 3 боть	Бас л уншаагүй бололтой.
5.    Шекспир "Эмгэнэлт жүжгүүд"	Гоё гоё.
6.    Б.Ренчин  "Заан залуудай"	Энийг харин 14-с доошиход оруулчих байсан юм бишүү?
7.    Ги Де Мопассан "Амьдрал"	Ямар ичмээр юм бэ? Би уншаагүй
8.    Л.Түдэв " Оройгүй сүм", "Үгсийн нууц уурхай" УБ 1996	Үгсийн чуулганыг бол унших хэрэгтэй. Оройгүй сүм чинь жоохон ахдах юм бишүү, бага зэрэг эротик шийдэлтэй юм гараад байдгийн шд. Их биш л дээ. За уншчихсан ч яахав дээ, угаасаа гоё ч ном. Явж явж оройгүй сүмийг чинь манай төрийн тэргүүн, мяндагтан тушаалтнууд уншаагүй юм шиг байдгийм билээ шд.
9.    Ч.Лодойдамба "Солонго", "Шаргачин"	Солонго бол миний хамгийн дуртай хайрын зохиол. Шаргачингийн насыг жоохон урагшлуулаад 14-с өмнөхөд тавьмаар байна. Хүүхдэд зүгээр шд
10.  Мишима "Алтан сүм"	Ёстой уйтгартай
11.  "Эергээр сэтгэх урлаг" Брахма Кумарисийн Оюуны их сургууль, Лаура эскивель "Мэдрэмжийн тухай ном"	Унших л байгаа даа өсвөр насныхан чинь. Уг нь уншвал зүгээр юмсан.
12.    Гётэ Иоганн Вольфганг "Фауст"	За зүйтэй
13.    Ж.Мягмарсүрэн "Унагаа зуусан хулан", "Долоо дэх хөхний гавар"	Ээ зүйтэй, насыг нь урагшлуулсан ч болно. Сонирхолтой бас энгийн учир хэдэн ч насны хүүхэд уншсан болно.
14.    Ч.Айтматов "Цайран харагдах хөлөг онгоц", "Улаан алчууртай хонгор минь"	Улаан алчууртай хонгор минь гэдгийг нь уншаагүй юм байна, цайран харагдах хөлөг онгоц нь ямар ч байсан гоё боловч гунигтай л зохиол. Сэтгэлд их зовлон аваад ирэх шиг санагдаад байдгийн
15.    Л.Өлзийтөгс "Нүдний шилэнд үлдсэн зургууд"	За ёстой мэдэхгүй, уучлаарай.
16.    Жеймс Жойс "Дублинчүүд"	Бас л мэдэхгүй, би ичиж байна.
17.    В.Мэгрэ "Анастасия" цуврал	Энэ чинь эротик зохиол биш юмуу? Би уншаагүй л дээ
18.   Хорхе Луис Борхес "Хоёр хаан хоёр хонгил" (өгүүллэгийн түүвэр)	Энд бас миний ичих цэг байна.
19.   Г.Ловор "Монголын хүүхдийн уран зохиолын дээжис" 1-3 боть	Энэ номны насыг урагшлуулж болно. Соц нийгмийн үеийн зохиол болохоор гажууд юм ер байхгүй, маш энгийн бичлэгтэй хөөрхөн зохиолууд байдгийм.
20.   Ж.Неру "Ертөнцийн түүхийг сөхөн үзвэл" I, II, III боть УБ 1982	Ичмээр юмаа, би уншаагүй
21.   Ц.Бавуудорж "Дорно зүгт өвс болно"	бас нэг ичих цэг
22.   С.Эрдэнэ "Шилмэл өгүүллэгүүд"	Энэ бол харин болж байна. Ялангуяа их ачаалалтай улирлын дараа. Би л лав мат-н олимпиадад бэлдэж байхдаа заавал уншдаг байсан. /аль эрт уншсан мөртлөө. Яагаад гэвэл тархи амарч хийж байгаагаасаа  хөндийрөхөд тус болдог юм.
23.   Масару Эмото "Хариулт нь усанд буй", "Усны гайхамшигт хүч чадал"	За ёстой нүдээ олно гэдэг чинь энэ байна даа.
24.   Ч.Галсан "Аянгат цагийн тууж", " Тэнгэрийн амьтан" өгүүллэгүүд	би улайж байх шиг байнаа.
25.   М.Саруул-Эрдэнэ "Зугаатай хэл шинжлэл"	нүүр халуу оргиод байна.
26.    Стефан Цвейг "Танихгүй эмэгтэйн захидал"	Би ер нь уран зохиол сонирхдог гэж ярихаа больё.
27.   Ким У Жүн "Хорвоо дэлхий уудам, хийх ажил их байна"	өсвөр насныханд яах юм бол, уг нь ч сайхан л ном л доо.
28.   Г.Аюурзана  "2*2=6 суут жаран сэтгэгч", Монтэнь "Сонгомол эссэнүүд"	Сонгомол эссэг хүүхэд уншаад ойлгохгүй ээ, оюутан болоод ч бараг нь ойлгохгүй. Харин суут жаран сэтгэгч бол болж байна.
29.   Б.Явуухулан "Яруу найргийн түүвэр"	Одоогийн ихэнх залуучууд Чойном гэсэн ганц яруу найрагчийг таньдаг. Уг нь яруу найргын ноён оргил чинь Явуухулан, Бавуугийн Лхагвасүрэн нар юм байгаан шд.
30.   Эверетт Шостром "Антикарнеги" УБ 1997 он	Намайг ичээсэн нэрс ямар олон байнаа...
31.   "Тантрын дуудлага"	Бас л нэг ичингүйрэл
32.   С.Хокинг "Цаг хугацааны товч түүх", "Хар нүх"	Сонирхолтой сайхан сонсогдож байна, мөнгөний бололцоогүйгээс би авч чадаагүй юм даг.
33.   Х.Болор-Эрдэнэ "Би бид хоёр" сэтгэлгээний өгүүллэгийн түүвэр	Энэ Х.Болор-Эрдэнэ гэдэг чинь нээх гоё өвөрмөц сэтгэлгээгнйи ном бичээд байдаг мөн үү?. Хэрэв мөн бол ном нь нэг л удаа цөөн хувиар хэвлэгддэг гэж өөрөө хэлж байсан. Ном нь олдохын болов уу даа?
34.   Д.Урианхай "Учрахуй ба Хагацахуй" УБ 1978	Би ямар ичмээр юм бэ?
35.   Барбара Марсианик "Хүчний зам"	Би яагаад ийм олон ном уншаагүй өнгөрсөн юм бол оо?
36.   Р.Акутагава "Намрын уулс" өгүүллэгүүд	Ичиж амьдрая
37.   Р.Гамзатов "Миний Дагестан"	Би ичиж үхье ээ
38.   П.Лувсанцэрэн "Хаврын шувууд"	За харин танил нэр харагдаж байх чинь ээ? Гэхдээ санадаггүй ээ
39.   Д.Нямсүрэн "Ирж буй цаг" 1, 2, 3	Д.Нямсүрэн бол танилцах ёстой яруу найрагч
40.   Д.Пүрэвдорж "Бурхад ба хүмүүс"	за ёстой бүү мэдээ
41.   Д.Төмөртогоо  "Монголын эдийн засгийн сэтгэлгээний түүх" УБ 2009,  "Монголын Шидтэнүүд" 2006	Уншаагүй юм байна өө
42.   Ч.Эрдэнэ "Бид Ялав", "Их Гурвалжин" УБ 1997, 2002	Бас л байдаггүй.
43.   Э.Мулдашев "Хүн мичнээс үүсээгүй" цуврал	Ээ мэдэхгүй шүү. Миний л бодлоо аймар фантазтай сонин ном шиг санагдсан. Шинжлэх ухаанлаг шинэ содон юм мэдүүлмээр байгаа бол тэр хариулт нь усанд буй чинь зөв санаа, харин өвөрмөц сэтгэлгээ суулгах гэж байгаа бол Х.Болор-Эрдэнэ чинь зүгээр. Энийг бол хүн сонирхлоороо унш л гэж зөвлөх байна.
44.   Д.Батбаяр "Бүтээхүйн зүй тогтол, сайхныг бүтээх нууц", "Саахалтын нууранд ангир дуугарна" өгүүллэгийн түүвэр	за байдаггүй дээ, одоо ч улаандаа гарч байх шиг байна дөө.
45.  Джон Перкинс /орч Х.Болорболд/ "Эдийн засгийн алуурчны наминчлал", /орч Х.Болорболд "Эрин цагийн дуудлага", "Хүн сүргийн үйлдвэрлэл"	За унших нь зөв, гэхдээ ахлах ангид ороод
46.  Габрель Маркес /орч Г.Аким/ "Зуун жилийн ганцаардал"	Миний гүн ичингүйрлийн цэг
47.  Райчиндорждагва "Мила Богдын намтар", "Зэн буддизмийн үндэс"	Унших хэрэгтэй байхөө, би уншаагүй юм байна.
48.    Б.Ичинхорлоо "Гэгээн зүг оршихуйн чинад хязгаарт хүрэхүй" цуврал	Цуврал номноос би ядаж хараа ч гүй байна гэхээр...
49.    Клеменс Күби "Дараачийн хэмжээст орох замд"	Их л гоё нэр сонсогдож байна даа, ядаж барааг нь харчих юмсан даа.
50.    Б.Лхагвасүрэн "Гашуун өвс"	Байдаггүй ээ
51.    Жон Кехо "Далд ухамсар бүхнийг чадна"	Энэ чинь гоё шд
52.    Док.Мухаммэд Бозпаг "Сэтгэ амжилтанд хүр", "Амжилтанд хүрэх алтан зарчмууд /Эмпати төв/	Ээ мэдэхгүй, унших юм болов уу даа? Баян аав ядуу аавын нэгдүгээр дэвтэр нь дээргүй юу?
53.    Пауло Кольео "Алхимич" (тууж)	гоё сонсогдож байна, даанч би уншаагүй.
54.     Б.Золбаяр "Бүлээн"	Бас л уншаагүй
55.     Руперт Шельдрейд "Дэлхийг өөрчилж чадах долоон туршилт"	Ичмээр юмаа
56.     Ричард Бах "Цахлай Жонатан Ливинстон"	Зовлонтой л ном шиг санадгсан шд. Ном шохоорхож уншдаггүй хүн бол орхичих байхөө, нэг өгүүлбэрээ дахин дахин унших гэж зүгээ...
57.    Друнвало Мелхиседик "Амьдралын цэцэгийн эртний нууц" 1, 2, "Зүрхэн дотроо амьдрахуй"	Би уншаагүй юм байна
58.    Д.Баттогтох "Шилдэг шүлгүүд" 1, 2	Бас л уншаагүй
59.    Парамахамса Йогананда "Йогчийн намтар" УБ 2011	Байдаггүй ээ
60.   Фердинанд Оссендовски "Хүн, араатан, бурхад" /орч Ж. Нэргүй/	ичиж үхмээр дамшиг юмаа
61.   Г.Аким "Тэнгэрийн нохой"	Бас л байдаггүй.
62.    Дэнзэнноргай "Цаст уулын барс", К.Н Илюмжинов "Миний зам" 1995 он	миний зам чинь гоё шд, нөгөөхийнх нь барааг ч хараагүй юм байна.
63.   Зян Рун "Чонон сүлд" /орч Д. Болдбаатар/	Алдарт чонон сүлд үү?
64.   "Үхлийн тууриуд" /орч Д.Дашмөнх/	Ёооё ингэж нэг танилтайгаа таарах гэж. Энэ бол үнэхээр өвөрмөц сэтгэлгээнйи сонгодог жишээ. Юу яасан хүн мич. Эндээс өөр сэтгэлгээг, сонирхолтой зохиолуудыг уншиж болно. Нас нь ч яаг таарч байна.
65.   Л.Н.Толстой "Дайн ба эх" 1, 2, 3, 4	Миний нэр төрийн уналт, би уншаагүй
66.   Джек Лондон "Мартин иден", "Хуурмаг нарны түмэн зөргөөр"	Жек Лондоны олон зохиолыг уншсаны хувьд заавал унших хэрэгтэй гэж зөвлөх байна. Яг энэ хоёрыг нь би уншаагүй юм шиг байхын
67.   Михаил Шолохов "Донын өгүүллэгүүд"	Шолохов чинь Дөлгөөн донгийн зохиолч мөн биз дээ, өгүүллэг байдаг гэж эндээс л мэдэж байна
68.  Александр Сергеевич Пушкин "Хүүрнэл зохиолын түүвэр" зэрэг номуудыг хүүхэд, залуусын уншвал зохих номд тооцжээ.	Пушкин бол гоё шд. Угаасаа хэлсэн хэлээгүй хүмүүс унчих байлгүй дээ.

Түр баяртай

Түр баяртай найзуудаа, түр баяртай блог минь, түр баяртай фэйсбүүк, түр баяртай яахүү, түр баяртай скайп болон бусад мессенжерүүд минь. Нэг сар та бүхэнтэй уулзахгүй. Би өөр чухал ажилд анхаарлаа төлөрүүлэх хэрэгтэй байна.

Ний нуугүй хэлэхэд залхаж байна. Англи хэлийг мэддэг ч юм шиг мэддэгүй ч юм шиг байхаас, авъяс билэгээ хэгжүүлэх завтай ч юм шиг завгүй ч юм шиг байдлаас, найзуудтайгаа уулзаж наргиж цэнгэх нь сайхан ч юм шиг саар ч юм шиг санагдахаас, түүний хойноос гүйх нь зөв  ч юм шиг буруу ч юм шиг бодогдохоос, амьдрал минь сонирхолтой ч юм шиг сонирхолгүй ч юм шиг өрнөхөөс, сайхан зорилгодоо шатаад ч байх шиг шаналаад ч байх шиг тэмүүлэхээс, унших ном минь нэмэгдээд ч байх шиг цөөрөөд ч байх шиг тоолохоос, хийх ажил минь чухал ч юм шиг чухал бус ч юм шиг урд хойноо орон эрэмбэлэгдэхээс, гитар минь хөгтэй ч юм шиг хөггүй ч юм шиг дугарахаас би залхаад байна. Энэ бүхнийг цэгцэлж яг өнөөдрөөс би нийгмийн идвэхтэй амьдралаас өөрийгөө тусгаарлаж байна.

Өнөөдрөөс эхлээд ажлын өдөр зөвхөн ажил хэрэгч хувцас өмсөж, амралтын өдрийг зөвхөн гэртээ, цор ганцаар өнгөрүүлнэ. Мессенжер, фэйсбүүк, блогтоо ч орохгүй. Тэр бүү хэл мэдээ үзэх гэж сайтуудыг ч ухаж төнхөхгүй. Үдэш болгон цагтаа харьж, хоолоо тогтмол хийж идэж, өөрийнхөө бодлыг цэгцэлж бясалгал хийх болно. (Би бясалгал хийх дуртай, надад таалагддаг) Гол нь англи хэл давтана.

Би өөр юу ч хийхгүй, гар дээрээ суниахгүй, гантил өргөхгүй, гитар балбахгүй, зурагт үзэхгүй, ном ч уншихгүй, найзуудтайгаа ч уулзахгүй, утасны дуудлагыг авахгүй, уншсан ч мессежинд хариулахгүй.

Түр баяртай, би ичээндээ орлоо. Сарын дараа уулзацгаая. C YA

Баян болуул...

Macbook Pro 13” – 2’500’000

Мэргэжлийн хүний хувьд сайхан комьютертэй байх юмсан гэж их боддын. Энэ бол 13 инч буюу жижиг хэмжээтэй гэхдээ Про буюу мэргэжлийнхэнд зориулсан үзүүлэлт хүчин чадал сайтай компьютер. Аль болох жижиг нь надад зүгээр байдаг юм.

Галт тэрэг

Галт тэрэг
Галт тэрэг дохиогоо хангинуулан давхина. Бүүб бүүб.... Амжилтын галт тэргийн буухиа уртын урт үргэжлэнэ. Гэсэн ч хүн болгон түүнд сууж үл амжина. Энэ нь хүмүүсийн дэндүү алгуур зантай холбоотой. Тэд уртаас урт гал тэргийг хараад тайвширдаг. Гэвч түүнд амжиж суухад ямар их хөдөлмөр хэрэгтэй байдгыг ойлгодоггүй. Тэгсэн хэрнээ амжиж суусан нэгэндээ атаархана гэж жигтэйхэн. Азаар суусан зарим нэг хүмүүс бий. Гэхдээ тэд галт тэргээр хол явж чаддагүй. Дөнгөж дараагийн буудал дээр л шал согтуу буудаг. Хамгийн харамсалтай нь дараагийн буудал нь түүний өмнөх байснаас нь ч дор газар байх нь бий. Амжилтын галт тэрэг уртаас урт үргэлжлэнэ. Хүсвэл хүн бүр түүнд амжиж сууж чадна. Гэхдээ хүссэн хүн бүр хүсэл шигээ хөдөлмөрлөж, зүтгэж байж галт тэргэнд сууна. Дөнгөж л тавцан дээр гараад ирэхэд оочир дараалал, шахалдаан чихцэлдээн үгүй болно. Амжилтын галт тэрэг дэндүү уужим тул түүнд хүмүүс нэг нэгний шахаж түлхдэггүй. Харин түүнрүү тэмүүлэх хүмүүс нэгэндээ хор хийх нь энүүхэнд... Тиймээс амжилтын галт тэргэнд дандаа сайн хүмүүс байдаггүй.

Тоосгүй хорвоо байвал ямар уу?

Өдөр болгон ширээгээ зүлгэж, долоо хоног бүр тоосоо гөвөх хэрэггүй болно. Ажил хөнгөлөгдсөн мэт. Мартсан ном минь орон доор шинэхнээрээ байна. Шкапан дээрээс юм хайхад хуруу тоостож хувцас заваарахгүй. Амьдрал илүү хялбар, цэвэрхэн болох мэт...

Гэсэн ч мартахыг хүссэн бүсгүйнхээ зургийг хэр удаан хараагүйг чинь хэлж өгөх хэн ч үгүй болно. Дэндүү сайхан өдрүүдээс хойш юу өөрчлөгдөж юу муудсаныг сануулах юмгүй болох байх. Яг өчигдөр шиг санагдах дурсамжууд чинь яг үнэндээ өчигдрөөс ондоо болсон байдгийг илтгэх тоос үгүй болно. Хичнээн чухал мэдлэгээ толгойдоо хийлгүй хичнээн удаан тойрч явсаныг илтгэх тоос номон дээр чинь байхгүй... Бүсгүйгээ баярлуулах гэж бүтэн өдөржин гадуур алхсаныг чинь нотлох нотолгоо үгүй болно. Үгүй дээ, бид бурханаас илүүг бодож олж чадахгүй юм байна. Бурхан бидэнд тоосыг дурсамжаа сэргээж бай гэж, цог хугацааг тоолж бай гэж, үнэ цэнэтэйг ухаарч бай гэж бүтээж өгчээ. Бид тоосоо арчих тоолондоо дурсамжаа сэргээж, тоосных нь зузаанаар цаг хугацааг тоолж, тоосонд даруулсаныг нь харж үнэ цэнэтэйг нь ухаарч чухам үнэтэй заримыгаа тоосонд даруулахгүйн төлөө тэмцэж амьдардаг.

Номин-Эрдэнэ гэдэг охины фэйсбүүк зураг, тайлбараас сэдэвлэв.

Нуурын эргийн байшин

Нугас ангир дандааа хөвж байдаг нуурын эрэгт ганцхан өрөөтэй гурвалжин дээвэртэй байшин байдаг. Түүнд загасчин амьдардаг юм. Өглөө эрт загасчилвал олз арвин байдаг тул талын болжмор сэрж амжаагүй байхад загасчин босч үүрийн цолмонтой мэндлээд ажилдаа гардаг. Завиа усанд түлхэх чимээг нь өглөө эртийн салхи өргөж нисэн нуурын нөгөө эрэгт хүргэнэ, тийм намуухан. Өглөөжин нугас, ангиртай хуучны үлгэр домог ярилцан загасчилсаар үд өнгөрөхөд гэрийн бараа харна. Хайртай эхнэр нь түүнд хүйтэнд унд, халуун гамбир бэлдсэн байдаг... Гамбир хийсэн хиншүүтэй хамт гэрээс нь аз жаргал үнэртдэг.

Нуурын зэгэс шаргалтаад эхлэхэд шувууд ч тэр, загасчин ч тэр гунигтай байдаг. Учир нь тэдний салах цаг ойрсоор буйн дохио юм. Хавар өндөгнөөсөө дөнгөж гарч байсан бяцхан дэгдэхийнүүд хачин том болоод хол замд нисэх бэлтгэлээ хийн ойрхон зуурхан нисэж загасчинд юу сурсанаа гайхуулахад загасчны нүүрэнд гунигтай инээмсэглэл тодордог. Түүний бяцхан дэгдээхий нь хотруу нисээд тэндээ амьдардаг болжээ...

Дурсамж - Мэдрэмж

Өчүүхэн бага насны минь өд шиг хөнгөн дурсамж жин ч дарахгүй, зай ч эзлэхгүй зүрхэнд минь мөнхөд оршихдоо борооны тэр нэгэн танил үнэр үнэртэх тоолонд бодлыг минь гижигдэн хүрч ирэхэд уруул өөрөө инээмсэглэдэг. Багадаа тоглож байсан багахан уулын налуу энгэр, машин болгож тоглодог байсан хоёр хүний хонхорхой суудалтай бяцхан хад, ам цангахад ухаж иддэг байсан туулайн байцаа, бороо орох, салхи шуурахад нөмөрлөн хоргоддог байсан хадны ёроол минь тэр л хэвээрээ бодолд бууж сэтгэлийг дэнслүүлнэ. Хад чулуу хэдий ч хөл нүцгэн гүйхэд хэзээ ч хөлийг минь холгож шалбалж байгаагүй, тогойгоо л зөөлөн тавьбал тэрийгээд хэвтсэн ч болдог олон олон бөмбөгөр хаднууд минь одоо эргээд бодоход хөнгөн дэрнээс минь ялгаагүй байжээ... Тоглож өссөн нутагтаа очиход төрсөн гэртээ орох шиг санагдана. Дамжиж гүйж тоглосон чулуун дээрээ гарахад өдөн дэртэй, зөөлөн хөнжилтэй орондоо орсон шиг санагдана.

Шарын гол нутгынхаа уулын энгэрийн олон жижиг хаднууддаа зориулъя.

Ер бусын...

Би түүнээс нүдээ ч салгаж чадахгүй түүний хөдөлгөөн бүрийг харж байлаа... Банкны урт дараалалд зогсоход үргэлж төрдөг байсан бухамдал, өмнөх үйлчлүүлэгчийг будилах тоолонд асдаг яарч давчидсан сэтгэл хоёрт минь жигүүр ургаад надаас нисээд явчихсан бололтой. Түүний инээмсэглэл, комьютерийнхээ гар дээгүүр бүжиглээд эвлэгхэнээр тамгаа авч тас тас хийлгэн цохих нь үнэхээр бахтай. “Чөтгөр аваг гэж, ийм хөөрхөн охин энэ хорвоод бас байдаг аа” гэж бодогдоно. Гэнэт миний өөдөөс хараад “Та ямар гүйлгээ хийлгэх үү?” гэхэд нь бараг цочих шиг болов. Түүнрүү гөлөрч байгаад урдах хүнээ үйлчлүүлж дуусаад босохыг ч анзаарсангүй. Түүний энгэр дээр бусдынх шиг нэр бичсэн тэмдэг байсангүй, банкныхны гарын үсэг ямар хүн шиг байх биш дээ нэрийг нь ч мэдэж чадалгүй гараад ирэв. Харилцагчийн сандал дээр нь суугаад жаал хардаг юм билүү гэж бодогдсон боловч хамгаалагч нь асуулт нь асуувал хариулах үггүй болохоор дахиад банк орох ямар ажил байгаа билээ гэж бодсоор гарав

Хүн шиг амьдрахсан даа

Толгойгоо хичнээн шаасан ч оройтож дээ. Залуу зандансан бол босгоно гээд л зүтгэхсэн, тэр хүн шиг амьдралыг чинь. Даанч тоолгүй явсаар өдийг хүрч. Хүүхэд залуу явахад амттай болгоны идвэл л амьдрал жаргтай юм шиг, агшин бүрт л инээж байвал зорьлого бүтсэн юм шиг, сайхан бүхнийг л авч байвал санаа амрах юм шиг бодож байж. Гэвч хоолонд чихэр биш давс хийдгийн учир, хором бүрт инээх гэж биш, хаая бас уйлах гэж төрдгийг, сайхан бүхнийг авах гэж биш, сайхныг зүгээр л үзэх гэж амьдрал, амь нас байдгийг мэдсэнгүй явж. Амьдрал гэдэг борог дүрэгдүүхэн ч гэсэн бодсон зорьсонтой, хийсэн бүтээсэнтэй, бахархах бахархалтай,  баялаг намтартай байхыг хэлдэг юм байна. Бага залуу насныхаа амьдралыг эргээд бодоход хүн шиг биш, алиа салбадай шиг л амьдарч байж дээ...

Нээх гоё

Бороо нээх гоё шаагиад л орно. Бодол нээх гоё ноороод л угаагдана. Сэтгэл нээх гоё шаагиад л шуугиад байна. Сэнгэсэн айраг хамарт үнэртэх шиг догдлуулна. Амьдрал юутай баян билээ, амьд явах юутай жаргалтай билээ. Дуртай дуугаа аялмаар, сэтгэлд хоногшсон дуугаа сонсмоор, жаргалтай. Нимгэн цамцыг нойтон салхи нэвт үлээсэн ч арьсыг л дааруулах төдий, тэр тусам нь харин сэтгэлийн гижиг хүрч бодол улам жаргалтай жавхаалаг болно. Нээх гоё, нээх л гоё тийм нэг өгүүллэг бичихсэн...

Аавдаа бичсэн захидал

Ааваа, би танд захиа бичиж байна. Энэ захиа танд яаж очихыг ёстой мэдэх юм алга. Ээжээс асуусан чинь шувуугаар явуулна гэж хэлсэн. Би итгээгүй л дээ, гэхдээ ямар ч байсан бичих нь зөв гэж бодлоо. Манай ангийн хөвгүүд надад захиагаа өөрсөдөө л аваад ирдэг. Хэрэв захиагаа танд өөрөө аваачиж өгөх бол захиа бичих ямар хэрэг байна... Би ээжид ингэж хэлсэн боловч шувуугаар явуулчихна гээд байсан болохоор бичээд үзье гэж бодлоо. 

Улс төржвөө хөөрхий...

Авилгал гэдэг монголд гинжин холбоо, хэлхээ үүсэгсэн нийгмийг борхирдуулж, будилаантуулж явах ёстой замаас нь гажуудуулж байгаа ганц шалтгаан. Үүнийг үгүй болговол “...хандах зүг өөрөө тогтох учиртай”.

Хил хязгаар

Тоонолжилж хэрсэн төмөр утсаар хил хязгаар минь тогтоогдоно. Төмөр торны цаана өөр хил хязгаар бүхий орон зай. Харин торны наана бас нэгэн бичил хил хязгаар бүхий орон зай. Хоёр орон зай хоорондоо хэмжээгээрээ ялгаатай төдийгүй хэмжүүрээрээ бас ялгаатай. Яагаад гэвэл торны цаадах амьдралыг нарны амьдрал, харин торонд дотрох амьдралыг нарсны амьдрал гэж нэрлэгдэг юм. Нарсны амьдралд өмхий байшингаасаа гарч, салхинд гарахыг жаргал гэж боддог бол нарны амьдрал төвөгшөөх хүмүүс бас бий. Нарсанд масалтай талх гэдэг нарнаас ирэх амттан бол, наранд түүнийг шиншлээд л орхих нохой хүртэл бий... Гол нь нарны амьдралаас хүмүүс яагаад нарсны амьдрал ирдэг юм бэ? Ганц л хариулт бий. Нарны амьдрал хүн бүрт хил хязгаар бий. Өөрийн хил хязгаарыг давж бусдынхруу орвол бичил хил хязгаар бүхий нарсны амьдрал шилждэг юм даа.

Тасархай зүүд

Хөлөө бараг чирэх шахам явсаар арай л гэж дэлгүүрт орж ирлээ. Юм авах гээгүй, зүгээр л жаахан амрая гэж бодсон юм. Дэлгүүрийн худалдагч нь спорт бокс сувгийн хөтлөгч Оноко байх юм. Өдөр нь дэлгүүр дээрээ суугаад орой нь хөтлөлтөө хийдэг байх гэж бодов. Лангууг нь дэрлээд унтчихмаар л байсан боловч толгой өргөн “Хоюулаа зурагт үзэх үү?” гэж хэллээ. Их сайхан ааштай охин юмаа. Зурагтаа асаачихаад инээж ирэн надад удирдлагаа өгөв.

Цоожтой байшин

Хаалгыг нь хичнээн ч нүдээд хаалга огт тайлахгүй, хэн бэ ч гэж асуухгүй... Хүн байгааг нь мэдсээр байтал хаалгаа тайлдаггүй, ямар эргүү нь энэ байшинд амьдардаг байнаа? Аргаа барахдаа, цоожных нь нүхээр шагайж харна, цоожны нүхээр юу л олигтой харагдаа аж. Гэхдээ харсан ганц нэг зүйлс маань сүүмэлзэн хөдлөх хүний сүүдэр... Тэр хэлээгүй юу, хүн байж л байна. Дахиад баахан тогшино, уурлаж уцаарлан нүднэ. Хэн ч хаалга тайлахгүй. Тэгэхээр нь хаалганых нь засарт хошуугаа нийлүүлж байгаад хашгирна, “Хөөш, хүн байгааг чинь мэдэж байна? Хаалгаа тайл. Наад сүүдэр чинь хөдлөөд байна...” Харин хаалганы цаанаас хариуд нь “Энэ чинь хүний сүүдэр бишээ, цонхны хөшиг салхинд хийсч хөдөлж байгаа юм...” гэсэн хариу ирнэ. Гялс хийтэл тарихнд нэгэн санаа орж ирнэ. Хэрвээ салхи хөшгийг нь хөдөлгөж байгаа юм бол цонх нь онгорхой байж таарах нь. Цонхоор нь ордог хэргээ...

Шоглоом (өгүүлэмж 100-150 үгтэй)

Золбоо ээжийнхээ нүүр буддаг тольны өмнөх сандал дээр суугаад гараасаа цус гарахыг эс анзааран хага цохисон тольруугаа гөлрөн байлаа. Тэр мэдээ орсон цагаасаа л аавгүй өссөн. Аавтай, ахтай хүүхдүүдэд дээрэлхүүлэхгүй гэсэндээ шартай, хортой шазруун явсан. Эцэггүй хүүхдийн толгой том гэгчээр хулигаан нөхдүүдтэй нийлж дэмий тэнэж, хүүхэд дээрэлхэн шоглож, тоглоом тохуу хийнэ. Гэтэл тэр гэнэтхэн аавтай болохоо мэдлээ. Гэхдээ бүр... бурхан түүнээр даажигнаж байгаа юм шиг өөрийнх нь хамгийн ихээр дооглож шоглодог нусгай Холбоогийн доголон, архичин аав өөрийнх нь эцэг боллоо. Аавыг дуурайж доголж бас гуувьж явж, шаралхаад ирэхэд нь шанаадаж унаган тавладаг байсан  нусгай Холбоо өөрийнх нь ихэр дүү нь гэнээ... Нүүрээ угаачихсан Холбоо, түүний аав, ээж гурвыгаа хэлэхийн муухайгаар хэлээд хар гүйхээрээ уйлсаар орж ирэн суутал харин тольны цаанаас нусгай Холбоо шоглоомтой харцаар харж байх нь харагдсан тул цохиод авсан билээ...

2012 оны 5 сарын 13. Бүтэн сайн өдөр.

Өглөө сэрээд хэвтэж байхдаа өөрийгөө ёстой жаргалтай байгаагаа мэдэрч байлаа. Учир нь хамгаас дуртай хатуу ааруулаа мэрээд уран зохиол, түүхийн хосолмол бүтээл болох Василий Янийн “Чингис хаан” гэдэг номыг уншин орондоо хэвтэж байсан юм. Ерөөс миний хамгийн дуртай зүйлс маань уран зохиол (бас түүх) унших, унтах (ялангуяа яг өнөөдөр шиг хүйтэн өдөр), хавын хатуу ааруул идэх гурав болохоор үүнийг жаргал гэхгүй өөр юу гэхсэн билээ дээ. Уншиж байгаад эргэж унтваа хөөрхий. Нэг цагийн үед өлсөхийн эрхэнд сэрээд өчигдөр оройны хоолоо халаагаад идчихлээ. Идэх завсараа Спорт бокс сувгаар гарч байсан бэйс болын шигшээ багийн тухай киног үзэж дуусгав. Холивудын бас л нэг алдартай бүтээлийн нэг бөгөөд өмнө нь би үзэж байсан ч дахин үзэхээс татгалзахааргүй сайхан кино. Тэгээд ч миний дуртай жүжигчин Том Хэнкс тоглосон юм чинь... Өнөөдөр чинь юутай жаргалтай өдөр вэ? Миний дуртай жүжигчний тоглсон сайхан кино хүртэл гарлаа шүү дээ.

Бичлэгийн шинэ төрөл

За хө, блогтоо дахин нэг шинэ лебел нэмнээ. Захидал гэдэг. Ер нь бол уран зохиолын нэгэн шинэ төрлөөр бичие гэж бодлоо л доо. Зохиолчид уран зохиолд өөрийн хувь нэмрээ оруулан шинэ шинэ төрлийг бий болгосон байдаг. Яг шинээр бий болгоогүй ч тухайн төрлөөр бичиж үлгэр жишээ олонд нийцсэн уран зохиолын нэгэн шинэ төрөл болон төлөвшихөд нь тусласан байдаг шүү дээ. Жишээ нь зөгнөлт зохиолын их мастер нь яах аргагүй Жюль Верн. Жюль Верн л зөвхөн зөгнөлт зохиол бичиж байснуу гэвэл хэн ч үгүй гэж хэлнэ, гэхдээ хэн зөгнөлт зохиолыг олонд таниулсан бэ гэвэл олон хүн шууд л Жюль Вернийг нэрлэх болно, тийм биз дээ.

Бас эссэг орчин үеийн анхны хүн гэгдэх Мишел Дө Монтень бий болгосон байдаг бол орсын уран зохиолд тосгоны уран зохиол гэж нэрлэгдэг нэгэн сайхан, үргэлж гэгээлэг, бас энгийн бичигддэг өгүүллэг туужийн төрлийг В.Шукшин гэж хүн бий болгосон байдаг. Манай монголын хуульч Сандаг гэдэг хүн хүншүүлэн өгүүлэх зохиолын төрлийг бидэнд таниулж өгсөн. Түүний “Салхинд хийссэн хамхуулын хэлсэн үг”, “Тэжээсэн нохойн хэлсэн үг” зэрэг олон бяцхан шүлгүүдийг бид арван жилдээ үзэж байсан билээ. Одоо ч сургалтын программд байдаг юм шиг байна лээ. 

Иймд би ч бас уран зохиолын нэгэн төрлөөр бичихийг бодлоо. Энэ бол захидал... Би лебел ээ “алгахан цаасанд атгахан үг шингэе” гэж нэрлэсэн.

Английн зохиолч, филесофч Бэкон “Ном бол цаг эрин гэгч давалгааг дамжин үеэс үед хүргэх эрднийг ачаа тээсэн оюун ухааны хөлөг онгоц мөн” гэж хэлсэн байдаг. Хэлмэгдсэн яруу найрагч Р.Чойномын “Захидал” хэмээх сайхан шүлэг байдаг. Энэ шүлэг л оновчтой сайхнаар захидлыг тодорхойлсон гэхэд болно доо.

Р.Чойном   “Захидал”

Захидал гэдэг, баяр баясгалан,

 Залуу хvний хайрын сэтгэл,

 Заримдаа бас, хэн нэгэн дээр

 Задран дэлбэрэх хvнд бембег юм.

 Хуудас хуудсаар их захидап дотор

 Хумхийн тедий vнэн vггvй ч бий.

 Хуруувчин чинээ нууцхан захидалд

 Хувьхан заяа багтаад ирэх ч бий!

 Эрээлсэн цэцэгтэй дугтуй дотор

 Бараалсан аянга зангираад ирэх ч бий,

 Инээсэн зурагтай дугтуйн цаана

 Ирлэсэн хутга нуугдаад ирэх ч бий.

 Yнэртэн шингээсэн анхилуун хуудсанд

 емхий санаа багтаад ирэх ч бий,

 Yзэмж цэвэрхэн бичгийн мерvvдэд

 Yхсэн заль шингээд ирэх ч бий.

 Алга дарамхан захидлын дугтуйд

 Алах дайсан, аврах нехер,

 Амрагийн дунд чулуудсан яс,

 Амьдралын замд булсан хавх,

 Хахууль амласан бялдуучлалын ембvv,

 Халдвар ихтэй сэтгэлийн тэмбvv

 Ханилал, хагацал, инээд, нулимс

 Хамаг хорвоо бvгд багтдаг байна.

Диваажин хаана байдаг вэ? (Эргэцүүлэмж 100-150 үгтэй)

Диваажин хаана байдаг бол дандаа надад бодогддог. Тэртээ алсад, тэнгэрт байдаг болов уу? Яг л хүүхэлдэйн кинонд гардаг шиг үүлэн дээр үлгэрийн оронруу орох алтан хаалгатай байдаг болов уу? Эсвэл эсэргээрээ газар доор, гал халуун лаваар хүрээлэгдэн үзэсгэлэн төгөлдөр диваажин маань байдаг байж болох юм. Тэгээд эсэргээ там нь тэнгэрт байж, буруу хэрэг хийсэн нэгнийг хий газар дүүжилж зовоодог байж магадгүй.

Эсвэл магадгүй диваажин зүгээр л дэргэд чинь байдаг байх. Өглөө болгон хагацаж ядан босдог оронд чинь, өлсөөд ирэхэд ээж чинь амтат хоол хийж өгдөг аяганд чинь, болзоонд гарах гээд баяраа хуваалцаж ядан байн байн өмнө нь очиж эргэлддэг толинд чинь, хааяа бүр холын хол явмаар санагдсан ч орой болгон очихоос өөр аргагүй байдаг гэрт чинь байдаг байх.

Бурхны шашинд хүн диваажинд очих гэдэгийг дахин хүн төрлийг олох гэж хэлсэн байдаг. Хэрвээ тийм бол та яг одоо диваажинд байна, тийм биш гэж үү?

Диваажинд өрөө захиалъя (уншдаггүй, үздэг нийтлэл)

Байна уу? Бурхан уу? Аа би зөв мэдлэгт хөтөлдөг Батболд байнаа. Диваажинд чинь өрөө захиалах гэсэн юм. Миний хэзээ очихыг та мэдэж байгаа болохоор миний очихыг дөхүүлж байгаад энэ өрөөг бэлдчихнэ биз дээ. Гал тогооны өрөөний зураг оруулсангүй шүү, диваажинд өлсдөггүй гэж бодсон болохоор. Хэтэрхий эртэч зан гаргасанд уучлаарай. Гэхдээ дөхүүлж байгаад гэвэл мартчих байх гэж бодоод. Та бурхан юм чинь мартахгүй байлгүй гэж найдсан юм. Ер нь тэгээд энэ дэлхий дээр чинь танд найдаж танай диваажинд очих гэсэн түмэн хүн л байна. Зарим нь маань уншиж байхад зарим нь танд итгэдэг болгох гээд л цаас тараагаад байна. Өө нээрээ санаснаас ингэхэд таныг Будда гэдэг юмуу, Есүс гэдэг юмуу? Эсвэл Аллах юмуу?...

Баян монгол

Хүү: - Ааваа таны утас яагаад холбогдохгүй байна

Аав: - Аав нь онгоцонд явна. Ганбаа ахтай нь Саванны ойд очиж арслан агнахаар явж байна.

Хүү: - Өвөө чоно агнах дуртай байсан, та арслан агнах дуртай болжээ...

Хавар (100-150 үгтэй өгүүлэмж)

Улирал, цаг агаар, орчлон хорвоод болдог байгалийн бүхий л үзэгдлээс хавар хамгийн найрсаг зантай нь билээ. Жишээ нь өвөл цасан хучлагаараа дэлхийг заавал хучих ёстой. Тэгээд сайхан ааштай бол тогтуун сайхан байж хүмүүсийг баярлуулах ёстой бол ааш муухай үедээ шуурч салхилан бүхнийг тас хөлдөөнө. Гэтэл хавар ямар найрсаг зантай гээч. Тэр гуйсан бүхэнд зөвшөөрнө. Хэрэв өвөл “Найз нь явмааргүй байна, одоо жаахан шуурчихъя гэвэл” тэг л гэж хэлнэ. Зүггүй салхи хүрч ирээд “Хавараа, биеийн чилээгээ гаргаж үүгээр жаахан зугаалъя” гэхэд дөнгөж өглөөхөн нь л зун хүрч ирээд “Би хурдхан хүмүүсийг амраамаар байна. Иймээс одоо байгаа цасыг бүгдийг нь хайлууллаа шүү” гэж хэлсэнийг ч санахгүй зөвшөөрч л орхино. Зүггүй салхи, зуны халуун, өвлийн хүйтэн, намрын найрсаг салхи, хүчтэй аадар, намуухан бороо, ширүүн мөндөр гээд бүгд л найрсаг зантай болохоор нь хавартай найзлана. Бас байн байн зочлон ирж өөрийн чаддаг бүхнээ хавар найздаа сонирхуулна.

Бухимдсан нь

Үнэн тэнэг юм байхымаа. Бүүр уур хүрмээр. Аппел хэрэглэгч үүсгэсэн чинь өөр хуудаснаас бол зүгээр үүсчихэж байгаан. Тэгээд айТунес-ээр орох гэхээр энүүгээр чинь орж болохгүй байна энийгээ шалгаадах гэж байгаан. Шалгахаар төлбөр хийх банкны картын дугаараа оруул гэж байгаан. (Уг нь бол өмнө нь төлбөр хийх нөхцөл гэж юм асуумаар юм, гэтэл надаас лав тийм юм асуусангүй.) За оруулчийлдаа яадын гээд өөрийн худалдаа хөгжлийн банкны картын дугаараа оруулахаар өөдөөс энэ чинь болохгүй байна гэж байгаан. Яагаад болдоггүйн гэсэн чинь орноо зөв сонго гэж байгаан. Орноо сонгоюу хэмээн орны сонголтруу нь орсон чинь миний муу бичигхэн Монгол тэнд байхгүй байгаа байхгүй юу. Уур хүрээл скрийн зураг авч байгаад аппелруу мэйл-р "Яахаараа орнуудын жагсаалт дунд чинь Монгол байдаггүйн. Монгол байхгүй байхад би яаж банкны картын дугаараа оруулахын" гэж мэйл бичих гээл саппорт сайтруу нь орж байгаал контакт ас гэдэгрүү нь орсон чинь мэйл хаяг байдаггүйн байна. Аппел нээрээ үнэн санаатай байгаа байхгүй юу. Тэгэхээр нь миний мэйл хаягаа бүргүүлэхэд мэйл илүүлж байсан мэдээлэл явуулдаг мэйл хаягруу нь реплэй хийгээд мэйлээ явуулцан. хахаха. Уншихгүй л байх л даа. Тэрийг шалгаад суудаг юм ч гэж юу байхав. Харин ч мэйл явахгүй байх гэж байсан чинь явчихлаа. Гэхдээ л үнэн дургүй хүрмээр байгаа биз дээ. Монгол чинь одоо дорой буурай орны тооноос хасагдчихсан шд. Тэгэхэд, зүгээр муу орнуудын жагсаалтандаа л Монголыг оруулчихгүй байгаа байхгүй юу. Нээрээ үнэн гомдмоороо. Ер нь тэгээд Монголоор л нэг мэдээллийн технологийн мэргэжилтэнүүд, монголоор л нэг програмистууд байна даг. Энэ тухай ямар нэг юм бодож ядаж энэ мэтэд нь Монголынхоо нэрийг оруулмаар юмаа. Улс орнуудынх нь жагсаалтыг харахаар Африкийн модноосоо ч бүрэн буугаагүй юмнуудын нэр байж л байх юм билээ дэг.

Блогшрохуй

Блог бид хоёр нөхөрлөөд 4 жил болж байна. Анх нээхдээ эссэ болон илтгэл бичиж байхаар бодож нээсэн боловч тэр бүр хүссэн шигээ олон сонин, содон, шинэлэг эссэ, илтгэл нийтэлсэнгүй байсаар өнөөдөртэй буюу блогынхоо шинэ чиг хандлагыг зарлах өдөртэйгээ золголоо. ккк

Блогтоо шинэ лэбэл (үүлэн шошго) нэмэх ёслолын нийтлэлд маань тавтай морил. Энэхүү ёслолын нийтлэлийг би улаан хивсний ёслолоор нээе гэж бодож байна. Тэгэхээр уншигч та хамгийнхаа гоё хувцсыг өмсөөд компьютерийнхээ ард загвар өмсөгч шиг тэгшхэн сууж улаан хивсээр алхсаар нийтлэлийн үргэлжлэлийг уншаарай.

Шүлэг

Урьд шөнө орондоо орсон чинь гэнэт нойр хулжаад, бас гэнэт онгод ороод жаал шүлэг зохиов. Гэхдээ шүлэгнүүд маань одоохондоо нэргүй. Нэр өгвөл өгөөрэй.

Anti plan

Онигоо: - Байна уу? Ээжээ, хүүгийнх нь ажил тарчихлаа. Захих юм байна уу? Замаараа юу авах уу?

-Замаараа байр аваад надаас тусдаа амьдарч үз.